Монгол хэл бичиг мину: Монгол бичгийг галиглах

Эх сурвалж:http://toli.query.mn/static/script

Монгол бичгийг галиглах

Орхицоор төгссөн тохиолдолд салгаж дундуур нь хасах тэмдэгтэй галиглая. Жишээ нь: {arrang-a} г.м.
Монгол бичигт о, у үсгүүд, си, ши үсгүүд яг адил бичигддэг ч ялгаж бичихийг хичээнэ үү. Жишээ нь АНИШГҮЙ гэдэг үгийг {anasi ugei} биш {anashi uegei} гэж галиглавал сайн.
Үеэр тасарсан үгийг дундаа хоосон зайтай бичих хэрэгтэй.
Монгол бичигт кирилл бичгийн З, Ж үсгүүд болон Ц, Ч үсгүүд ижил дуудлагатай байдаг учир дээрх байдлаар оруулна уу. Жишээ нь: Цэцэг гэдэг үгийг {checheg}, Зараа гэдэг үгийг {jarag-a} г.м.
Их энхлэг буюу хэлний угийн Н үсгийг ng гэж галиглана. Жишээ нь: Монгол -> {monggol} г.м.
Жирийн Х үсгийг q гэж галиглана. Жишээ нь: Хүмүүн гэдэг үгийг {quemuen} г.м.
Зарим гадаад гаралтай үг мөн, зарим дүрмийн бус үгийн дотор ямар нэг үсгийг хүчээр гаргах шаардлага гарч болно. Жишээ нь ЗАВОД гэдэг үгийг jabod гэж галиглахад сүүлийн Д нь өөр харагдах тул jabo{d_f-g} гэж галиглана. d_f-g нь тэмдэглэгээ болно. Доорхи хүснэгтэд аль нэг үсэг дээр хулганаа аваачихад тухайн үсгийн тэмдэглэгээ харагдана.
Монгол бичгээр хоёр тусдаа бичлэг оруулах тохиолдол гарна. Тэр тохиолдолд хоёр үгийг таслалаар зааглана. Мөн таслалаас гадна @, |, =, :, # тэмдэгүүдийг ашиглаж болно.